Silverlight 4 është platformë e Microsoft për RIA (Rich Internet Applications). Është platformë e njejtë sikurse Adobe Flash edhepse disa gjëra janë më lehtë për tu realizuar në Adobe Flash, por realizimi i aplikacioneve client-server (aplikacionet më të zakonshme tek ne) është më i lehtë me Silverlight 4.
Aplikacionet në Silverlight janë të shpërndara përmes web faqeve (ang. web pages) duke shfrytëzuar media tagat të cilat e aktivizojnë plugin-in e Silverlight për të ekzekutuar kërkesën e caktuar që vjen nga shfrytëzuesi te web server-i. Në Silverlight 4 gjithashtu mund të krijoni OOB (Out Of Browser) aplikacione të cilat instalohen nga shfrytëzuesi dhe startohen sikur çdo Windows aplikacion përmes Start menysë. Silverlight 4 kohëve te fundit është shndërruar në një nga dy platformat për zhvillim të aplikacioneve për Windows Phone 7. Aplikacionet në Silverlight 4 posedojnë çasje të limituar në resurset lokale të shfrytëzuesit gjë e cila kufizon zhvilluesin e aplikacionit.
Aplikacionet e zhvilluara në Silverlight 4 punojnë në të gjitha platformat kryesore si Windows, Linux, iOS si dhe në shfletuesit kryesorë: Internet Explorer, Firefox, Google Chrome dhe Safari. Prandaj, ju duke zgjedhur zhvillimin e aplikacioneve në Silverlight 4, nuk limitoni shfrytëzuesit në atë se cilën platformë duhet ta kenë të instaluar në pajisjen e tyre për ta shfrytëzuar aplikacionin tuaj. Skenari ideal për zhvillim të aplikacioneve në Silverlight 4 është: Line of Business applications (LOB Applications) si dhe në zhvillimin e Windows Phone aplikacioneve.
Nga ajo sa u tha më sipër mund të themi se Silverlight 4 është platformë e fuqishme e Microsoft-it më të cilën ju komunitetit tuaj i ofroni aplikacione mjaft efikase.
Qendrim Jusufi's Blog 